原标题：偷看欧阳巧莹！马贯东做变态佬好
TVB艺人马贯东凭住剧集《爱．回家之开心速递》「博士」一角而成功入屋，入面饰演好好先生嘅佢，吸纳唔少粉丝。
近日佢喺剧集《金宵大厦》饰演宅男「李家俊」，经常偷窥「Mia」欧阳巧莹，令人心寒，佢话今次係首次演变态角色，更直呼好好玩：「因为编审同监製都畀咗好多资讯我，解释李家俊係一个点嘅人，但呢个角色都几难演，喺现实生活中受好多不公平对待，所以要喺网络世界做打手，攻击Mia。」
今次摆脱过往乖乖仔形象，马贯东话粉丝们都好满意表现，但反而自己就觉得麻麻：「可以做得好啲，因为呢类型角色係比较少做，我自己觉得做得唔係咁好，所以会继续努力，希望日后可以再试多啲嘢！」
